Mans Snijders: 'Moi vind ik een mooi woord'. Foto: Jan Anninga
De rubriek Hier kom ik weg is een samenwarking met het Huus van de Taol en giet over Drenten en heur verhalen. De 9-jaorige Mans Snijders wun dit jaor de Grada Eding-Askespries bij de veurdrachtwedstried van ’t Aol Volk in Emmen.
Mans Snijders komp net uut schoel en hef het zwiet op ’t heufd staon. ,,Straks ga ik gelukkig zwemmen”, puft e.
Wachtum
Samen met zien pappe, mamme en zus woont Mans in Wachtum. „Als ik in de eetkamer door het raam kijk, zie ik weilanden en bomen. We zien ook vaak hazen en reeën lopen.”
De jonge Wachtumer holdt van zien dörp en giet geern op fietse op pad. Een rondtie om de es, naor zien vrienden en naor opa en oma op de boerderij. „Ik vind het leuk om daar met mijn neef op de trekker te rijden. Dan luisteren we naar een geheime zender. Soms zeggen kinderen in mijn klas: ‘Dat is toch geen muziek?’ Daar trek ik mij niks van aan. Ik vind het mooi.”
Hier kom ik weg
Drèentse taol
Mans is Nederlandstaolig opvoed. „Maar mijn vader kan goed Drents. Hij speelt in de band Bruunsma.” Zölf prat Mans een beetie Drèents met zien neef. „Moi vind ik een mooi woord’’, lacht e intied e zien wiesvinger opstek. Dat Mans veul Drèents um zuch toe heurt, kwam goed uut toen e metdeu an de veurdrachtwedstried van ’t Aol Volk. „Bij mijn oma en mijn opa hoor ik hoe Drents klinkt en dan weet ik hoe ik het moet uitspreken”, legt e uut.
Veur de veurdrachtwedstried schreef Theo Bruinsma het gedicht Smangs veur Mans. ,,Ik heb hem daar heel erg voor bedankt. Het past zo goed bij mij. Toen mijn moeder voor het eerst de tekst las, kreeg ze tranen in haar ogen”, zeg de 9-jaorige terwijl e zien mamme een drukkertie in de zied gef.
Mans is de viefde generaotsie van zien femilie die naor de Markeschool in Wachtum giet. „Er is een juf die Drents kan en die kinderen helpt de Drentse gedichten in te studeren, maar verder hoor ik geen Drents op school”, vertelt Mans. „Er zijn ook kinderen die thuis Drents praten maar op school niet.” Hij denkt evenpies nao. ,,Misschien zijn ze bang dat iemand hen uitlacht?” De jonge Wachtumer zol het mooi vinden as mèensen vaoker Drèents duren te praoten. „Als je het wilt, moet je het gewoon doen!”
Grada Edings-Askespries
Dat deu Mans zölf vol enthousiasme veur een volle zaol in het Atlas Theater in Emmen. Hij was niet nerveus veur de veurdrachtwedstried. „Je gaat op het podium gaan staan, ademt rustig en begint. Ik deed alles uit mijn hoofd en vond het hartstikke leuk om te doen.”
Met zien beeldende veurdracht ontroerde Mans niet allent de juryleden, maor ok de mèensen in de zaol. „Bij de prijsuitreiking zeiden ze: ‘De 3e prijs is voor…’ en dat was ik niet. ‘De 2e prijs is voor…’ en dat was ik ook niet. Toen dacht ik: mijn hemel, ik zal toch niet eerste zijn? Nou, toch wel!” Hij wun ook de Grada Eding-Askespries veur de beste veurdracht van de aovend. „Twee bekers en een geldprijs, fantastisch!”
Op 20 en 21 oktober draogt Mans zien gedicht weer veur. Dizze maol op Skonnerd bij de verhalenroute Ellert en Brammert in het duuster. „Daar heb ik zin in. Ik hoop dat ik tijd heb om zelf de route te lopen. Dat lijkt me echt spannend!”
