Kunstschilder Fleur Stebis uut Assen: 'Door mijn schilderijen zien mensen over de hele wereld hoe mooi Drenthe is' | Hier kom ik weg

Fleur is nou 19 jaor en net begund an heur leste jaor op de prestigieuze opleiding in Florence. „Op mijn 12e maakte ik portretten met potlood en op mijn 15e volgde ik een schildercursus bij Carolien van Olphen. Daar werkte ik voor het eerst met olieverf en merkte ik meteen dat ik hierin verder wou.”

Fleur vruug kunstschilder Egbert Modderman uut Grunning um raod. „Ik wil veel meer leren, waar moet ik naartoe?” „De Florence Academy of Art”, was zien antwoord.

Niet allent Modderman en Van Olphen, maor ok kunstschilders Henk Helmantel en Svetlana Tartakovska schreven anbevelingsbrieven veur Fleur. „Ik kwam door de strenge selectie van de FAA en vertrok naar Italië.” De studiekosten waren arg hoog en deur verkoop van heur wark en crowdfunding kun ze de eerste twee studiejaoren betaolen „Zo probeer ik ook nu weer om de financiering van mijn laatste jaar rond te krijgen.”

Naost heur opleiding an de FAA har Fleur dizze zummer les op Grand Central Atelier in New York en de Lyme Academy of Fine Arts in Connecticut, Amerika. „Het was indrukwekkend om daar les te krijgen en de technieken van anderen te zien.” Toch studeert zij het liefst in Florence. „De omgeving, studenten uit verschillende landen, goede docenten en professionele kunstenaars zijn voor mij heel inspirerend. Ik leer ontzettend veel.”

Zo hef ze in Italië met echte modellen leren warken. „Hiervoor werkte ik vooral vanaf foto’s. Nu vanuit waarneming” leg de kunstenaores uut. „Mijn schilderijen worden zo realistischer.” Maor dat komp ok deurdat zij hard studeert op aandere vakken. „Anatomieles is belangrijk. Ik leer bijvoorbeeld welke spieren en botten er onder de huid liggen en hoe ik die moet weergeven in mijn schilderijen.”

Dit jaor wun Fleur de 1e pries in de studiebeurswedstried van het Art Renewal Center in New Jersey. Op de FAA wun ze de pries veur ‘the best figure painting’ van heur studiejaor met een schilderij van een nakende man. Eulievarf is nog aal het materiaal waor as ze het liefst met warkt. ,,Door de juiste techniek en het werken in lagen, kan ik de kleuren in mijn werk zo realistisch mogelijk maken”, leg ze uut.

Dizze zummer exposeerde Fleur heur studieopdrachten en Drèentse landschappen in Kunstplaza Schurer in Assen. „In de zomervakantie schilderde ik op het Dwingelderveld, in Orvelte en bij het Nije Hemelriek.” Heur studiegenoten waren ’s zummers ok thuus en schilderden daor heur eigen thuusgrond. Fleur vun het inspirerend um al die landschappen deur de ogen van kunstenaors te zien.

Dat heur eigen kunstenaorsblik op Drenthe waardeerd weur deur veurbijgangers, markte ze al gauw. Mèensen bleven staon of gaven heur kedogies. Ok op Instagram en TikTok regent het complimenten as: ‘Wauw Fleur, ik wist niet dat Drenthe zo mooi is!’ „Dat maakt me echt trots. Door mijn Drentse schilderijen zien mensen over de hele wereld hoe mooi Drenthe is”, glundert de Assense.

Ze zöt zichzölf in de toekomst net as heur docenten veul reizen en wereldwied schilderijen maken. Ze lacht en kek naor de wolken. „Dat is toch de droom?”