De rubriek Hier kom ik weg is een samenwarking met het Huus van de Taol en giet over Drenten en heur verhalen. Robert Braam (48) oet Hesseln speult al sinds zien kindertied teniel. Hij stal under meer de show in theaterspektakel De Toorn van Thunaer en hef nou ien van de heufdrollen te pakken in Woeste Gronden, een nei locatietheaterstuk dat in september te zien is in ’t Haantje.
Op de flyer van staot drei namen van acteurs en ien daorvan is zien naam. Daorachter stiet . Robert Braam kek, nao veule grappen en grollen tiedens het gesprek, iniens ernstig. ,,Weej wal wat dat betiekent as je naam daor stiet? Daj ‘t ok waormaken moet. Best spannend, heur.”
Hier kom ik weg
Shakespeare bij de boortoren
Braam, in het dagelijks leven kapper in Assen, is volop an het rippeteren. is het eerste grote project van Coevern as culturele gemiente van Drenthe. ,,Het is een stuk van theaterproducent BUOG, die een paar jaor leden met het spektakel bij het TT Circuit een mooi visitekaortie ofgeven hef.”
De boortoren die roem vieftig jaor leden in ’t Haantje in de grond verdween, dient as inspiratie veur het stuk. ,,De tekst komp oet MacBeth van Shakespeare. Dat stuk is deur schriefster Jannie Boerema in het Drèents vertaald. An heur tekst is niks veraanderd, maor het keuningsdrama is as het ware verplaotst hen de boorlocatie in ’t Haantje.”
Met volle overtuging
Tiedens de musical op de legere schoel ontdekte Braam tenielspeulen. Hij hef sinds zien tienerjaoren metdaon an een groot aantal stukken van allerlei gezelschappen in Drenthe. Veurstellingen in het Drèents en het Nederlands. ,,Mien olders hebt altied Drèents tegen mij praot en mien hiele femilie prat plat. Ik heb mij ok altied prima met ’t Hollands redden kund, maor mien veurkeur bij het tenielspeulen giet wal oet naor het Drèents. Dat stiet dichter bij mij.”
,,Der is nooit argens lacherig daon a’k Drèents preut en ok nooit op mij neerkeken. Op ien of aandere manier kom ik overal met weg. Ik heb ok nooit negatieve aandacht had umdat ik homo bin of as ik in een jurk op het teniel stun. Aj iets met volle overtuging doet, zuj der nooit op anspreuken worden.”
De lachers op de haand
Geregeld hef Braam nichterige rollen speuld, zoas bijveurbeeld die van de middeleeuwse hoesknecht Kwiebus in in 2019 op landgoed De Klencke bij Hesseln. In zien roze pakkie har e de lachers op de haand. ,,En nog wor ik geregeld anspreuken op die rol of heur ik mèensen in de supermarkt flustern: ‘Kiek, daor löp Kwiebus’.”
,,Dat was ok heerlijk um te speulen. Eigenlijk was het een oetvergrote Robert. Mien rol als geoloog Tonckens in is compleet oet mien comfortzone. De grootste oetdaging? Dat ik een stoere moordenaar speulen moet. Het zit in mij um mèensen an ’t lachen te willen kriegen. Daor moet ik nou vanof.”
Op 8 september giet het stuk, dat – compleet met band en koor – wordt opvoerd in de boetenlucht, in première. Eventuele coronamaatregeln bint incalculeerd, want het giet sowieso deur, acht aovends lang. ,,Wat aj verwachten kunt? Spektakel. Auto’s, motoren, vuur… Moord en braand, haha. Dit wordt het grootste spektakel van de leste tien jaor in Zuudoost-Drenthe.”
