Zangeres Lenny Kuhr en de Groninger tekstdichter David Hartsema (rechts) in 1969 op Schiphol, daags nadat Kuhr met Hartsema's 'De Troubadour' in Madrid het Eurovisie Songfestival won. foto archief centrum Groninger taal en cultuur
Een dikke week leden was de finale van het Eurovisie Songfestival in Rotterdam. De gedachten van stad-Groninger schrijver/dichter Tonko Ufkes gingen een halve eeuw terug, toen de Nederlandse troef Lenny Kuhr, afkomstig uit Eindhoven, in Madrid won met een liedje dat was geschreven door een Groninger troubadour.
Wel wiet gingen de gedachten even terug noar dik viefteg joar leden toen Nederland won met De troubadour. De wies van dat verske wer schreven deur zangeres Lenny Kuhr uut Eindhoven en de tekst waas van de Grunneger dichter David Hartsema.
Leraar Nederlands en Engels
Hartsema wer op 11 feberwoarie 1925 geboren ien Zoltkamp. Hij ging doar noar school en loater studeerde er ien Stad. End joaren zesteg woonde hij ien Frieslaand en doar waarkte er as leroar Nederlands en Engels. Mor veural, hij begon liedteksten te schrieven, eerst ien t Hollands en loater ok ien t Fries.
Ien 1968 harren David Hartsema en Lenny Kuhr nkander veur t eerst trovven op n liedjesbeurs; n plak woar ien die tied schrievers, componisten en zangers hìngingen om mekoar te ontmoetten en waark uut te wisseln.
Twaalf teksten voor haar eerste plaat
De jonge zangeres schreef zulf muziek, mor aandern schreven de teksten veur heur en zo kwam ze terecht bij David Hartsema: Hij leverde elf van de twaalf liedteksten veur heur eerste ploat.
Net noa heur negentiende verjoardag won Lenny Kuhr t Nationale Songfestival ien Scheveningen met De troubadour en n moand loater, op 29 meert 1969, won ze ien Madrid t grote Eurovisie Songfestival met dit Hollandstoalege verske.
t Klonk best mooi
De liedtekst har David Hartsema heur gewoon over de post toestuurd, zo ging dat toen nog, en bij Lenny begon geliek n wies op te borrelen.
Die zulfde oavend waas n eerste versie van De troubadour kloar en Lenny, die nog thuus woonde, zong en speulde t hiele lied meteen veur an heur olders. Mor heur olders laggen zo loat al op berre, zodat heur pappe pruttelde dat t best mooi klonk en dat er toch groag deursloapen wol.
Dizze liedtekst begunt zo: ‘Hij zat zo boordevol muziek, hij zong voor groot en klein publiek, hij maakte blij, melancholiek’ en de troubadour woar t lied over gijt, het wel wat van dichter David Hartsema zulf.
Verskes dij ‘k joe lain
Hij zol nog honderden liedteksten schrieven en zien Grunneger waark wer meest op meziek zet en zongen deur Lianne Abeln. Zo stoan op e eerste ploat van Liannes dubbel-lp Verskes dij ’k joe lain... uut 1984 elf nummers, woarvan zeuven liedteksten schreven bennen deur David Hartsema.
Ien 1961 kwam Hartsema’s eerste bundel uut: Het schip van Ternuten; verskes veur lutje kiener en groten. Noast t schrieven van verskes kwam ok n beste golf verhoalen, gedichten en columns op gaang.
Binnendieks en boetendieks
Hij waarkte veur Radio Noord, vulde de rubriek ‘Binnendieks en boetendieks’ ien e Winschoter Courant en wat niet al, want hij kon over vanalles en nog wat schrieven. En ien elke vörm; van liedtekst tot geschiedenisboek.
Mor bij zien overlieden ien 2009 wer David Hartsema veural herdocht as de grote teksdichter, want ‘hij zat zo boordevol muziek’.
