Lisa Harms: 'Dat ik zou winnen had ik nooit verwacht.' Foto: Bart de Nes/Abbot Studio
De rubriek Hier kom ik weg is een samenwarking met het Huus van de Taol en giet over Drenten en heur verhalen. Lisa Harms oet Ter Aopel zörgde der tiedens het Drèents Liedtiesfestival veur dat hiel wat mèensen een traontie wegpinken mussen. En ze wun.
„Mijn moeder en andere naaste familie zaten vooraan in de zaal. Toen ik dat zag, ben ik tijdens het trompetspelen bewust een beetje de andere kant op gedraaid, zodat ik ze niet kon zien.” Het lied Tot de zun uut giet waormet Lisa Harms op Hemelvaortsdag het Drèents Liedtiesfestival (DLF) wun is hiel persoonlijk. Heur mam zien tiedens het speulen en zingen leek heur gien goed idee.
Oet de tied
Harms (26), die deur heur vriendinnen umschreven wordt as een feestbeest met veul humor, bezörgde met heur optreden in het Atlas Theater hiel wat mèensen kippenvel. Heur liedtie giet over heur overleden pap. Ze was 10 jaor toen e unverwacht oet de tied kwam op zien 47e.
Hier kom ik weg
„Ik was net op zo’n leeftijd dat je alles bewust meekrijgt. Toch ging ik een tijdje later weer naar school en ging alles door”, vertelt ze. „Mijn oudere broer en zus hadden het meteen heel zwaar. Voor mij kwam dat later. Maar ik kan er nu goed over praten.”
Muzikale familie
Harms - geboren en opgruid op Emmer-Compas – warkt in de thuuszörg in Weerdingermond en umgeving. Muziek maken döt ze vanof heur 6e. Toen begunde ze met trompet speulen en later kwam de piano derbij. Ze komp oet een muzikale familie. „Met mijn moeder, nicht en tantes heb ik wel opgetreden in woonzorgcentra; zongen we vierstemmig.”
Nao een feest op Emmer-Compas stelt een vriendin heur veurig naojaor veur an dj Roy Keuter, die eerder under meer Mamme See van Isa Zwart schreven hef. „’Hier heb ik iemand voor het Drèents Liedtiesfestival’, zei ze erbij.” Harms is overrompeld, maor sprek of met Keuter en nao een hiel gesprek over heur leven schrieft ze samen met gitarist Rowdy Prins en Mooi Wark-drummer Dennis Hendriks Tot de zun uut giet.
Spandoek
Het lied begunt en eindigt met een trompetsolo van Harms. Waor ze op het podium eerst nog wegkek van heur mam, verget ze dat later. „Toen ik bijna klaar was met zingen, voelde het opeens of mijn vader erbij was. Ineens kwam de emotie zó hard binnen. Ik dacht aan hem en hoe trots hij zou zijn dat dit het geflikt had. Toen zag ik mijn moeder huilen en daar ging ik.”
„Dat ik zou winnen had ik nooit verwacht. Ik moest enorm huilen. Wat overkomt mij nou, dacht ik! Ik heb zoveel reacties en berichtjes en cadeautjes gehad, niet te geloven. Toen we ’s nachts thuiskwamen, stond er een spandoek van de buren waarop stond dat ik had gewonnen en ‘Wonen we eindelijk naast een beroemdheid’.”
Lisa Harms lied begunt en eindigt met een trompetsolo. Foto: Bart de Nes/Abbot Studio
‘Aan de bak’
De kommende tied komp heur winnende lied oet as single en wordt een videoclip opnummen. Ok giet ze snel meer nummers schrieven met Keuter en Prins veur de dielname aan het Suns Europe-festival, het songfestival voor minderheidstaolen in Italië, in oktober. „Daar moet ik een half uur met eigen liedjes optreden. We moeten nog flink aan de bak.”
Hoewel heur familie en umgeving Drèents praot, hef Harms het zölf nooit daon. „Ik kan het wel, hoor, en ik slik de -e ook wel in. Toch vind ik heel plat praten bij mijzelf niet zo mooi klinken. Maar bij zingen in het Drents voel ik geen enkele drempel. Dat gaat me heel makkelijk af.”
